Yon Ayisyèn ak tout kat (4) pitit li jwenn l lanmò yo yè lendi 25 desanm nan nan zòn Mo (Sèn e Màn), peyi Lafrans. Lapolis arete jodi madi a papa timoun yo ki se prensipal moun yo sispèk ki fè zak la.
Viktim nan se yon Ayisyèn ki gen 35 lane, 4 timoun yo ki mouri tou ak kout kouto epi toufe se 2 fi ki gen 10 ak 7 lane, yon ti gason 4 lane ak yon ti bebe 9 mwa.
Papa, 33 lane, ki se moun yo gen je sou li kòm responsab krim sa nan men lapolis. Selon sa BFMTV rapòte, otorite yo mete l nan lopital akoz li soufri depresyon ak twoub sikyatrik.
Nan moman arestasyon l, lapolis jwenn li blese nan men ak kouto. Tout jan akizasyon yo tonbe sou li, paske vwazen yo rapòte tèt li pa fin dwat epi li abitye fè vyolans sou madanm li.
